மழை

கடந்த கால அசரீரிகள்
அழிந்து போன கால் தடங்கள்
மறைந்து போன மனப் படிமங்கள்
தீக்கிரையான கனவுகள்
- நான் என் மழைக்குக் காத்திருக்கிறேன்

வெறிச்சோடிய பார்வையில் விரிந்து செல்லும் சமவெளி
விரக்தியில் ஓயாத வார்த்தைகளில்
வருங்கால அச்சம் கொண்ட சாபங்களில்
தொலைந்த வருடங்களை எண்ணி
- நான் என் மழைக்குக் காத்திருக்கிறேன்

மரங்கள் முணுமுணுக்கும்
மாலைப்பொழுதில்
அலைகள் ஓய்கின்றன
ஆளில்லா கடற்கரைகளில்
வானம் விடைபெற்று கண்ணீர் வடிக்கிறது

இது என் மழை
எனக்கே எனக்கான மழை
என் காதல், என் நட்பு
மழையின் தாளத்தில் மனம் லயிக்கிறது...